【Now新聞台】截至早上11點止，《彭博》Top Search No.1為吉利汽車，第2位至第5位為銀河娛樂、中國移動、碧桂園及融創中國。
黨中央機關刊物「求是」，前日刊登國家主席習近平月初喺政治局常委會會議嘅言論，提到要擴大消費對沖疫情，其中包括穩定汽車等傳統大額消費行業，並鼓勵限購地區適當增加配額。
協同博勤金融集團行政總裁曾永堅指，汽車業係內地經濟增長第二大重要嘅行業，因為佢嘅產業鏈係牽連至唔同行業，只要帶動到汽車銷售就可以帶動內地經濟增長。 Jasper又話，雖然現時內地嘅大城市仍面對環保或塞車嘅問題，但中央為咗GDP「保5」，除咗對環保車有補貼之外，唔排除會擴大更多汽車領域嘅補貼以鼓勵需求。
