【Now新聞台】【Now新聞台】截止早上11點，《彭博》Top Search No.1為吉利汽車，第2位至第5位分別為美團點評、中國平安、碧桂園及騰訊控股。
內地工業和信息化部公布《免徵車輛購置稅的新能源汽車車型目錄》，吉利部分車型上榜，究竟能唔能夠帶動未來銷售表現？
獨立股評人盧志明指，免徵車輛購置稅只係吸引人買車嘅其中一個原因，事實上針對汽車業嘅補貼政策唔係依家先有，只係今次集中喺新能源汽車。佢指吉利本身係藍籌股，恒指今日一度上返28300點附近，所以大家先關注佢。Ken又話，吉利股價後續有冇力，要睇嚟緊有冇更多消息，否則現水平都會遇較大阻力。
