【Now新聞台】截至早上11點止，《彭博》Top Search No.1為小米集團、第2位至第5位為美團點評、中國平安、騰訊控股、香港交易所。
小米上星期借推出平價5G手機消息炒上，單星期升咗11%，今日返嚟都一度升3%，而對上三個交易日都打入滬股通嘅港股十大成交活躍榜，累計淨買入超過7億元。
協同博勤金融集團行政總裁曾永堅表示，觀察整體資金流嘅走勢，會見到市場焦點落喺新經濟股上。佢指出，最近小米反彈主要因為新嘅平價5G手機、旗下紅米手機喺東南亞銷情理想，仲有可攜帶佩件設備喺亞洲地區有明顯增長，從技術走勢而言，小米股價有機會挑戰12元。
