【Now新聞台】截至早上11點，《彭博》系統Top Search No.1為新世界發展(00017)，第2至5位分別為周大福(01929)、長城汽車(02333)、華晨中國(01114)及信達生物製藥(01801)。
內地噚日出爐嘅GDP數據係27年以嚟最差，雖然大數唔好，但細數就幾靚，反映經濟仍然唔錯。國際金融協會最新出嘅全球債務報告，內地整體債務佔全球15%，升至相當於GDP嘅303%，佔比最大係非金融企業。數據反映信貸急增仲未傳導至經濟，不過，若內地進一步鬆綁政策，就要留意會唔會令債務問題惡化。
