【Now新聞台】截至早上11時止，《彭博》系統Top Search No. 1是郵儲銀行，第2至第5位分別為融創中國、正通汽車、利豐及新世界發展。
外國市場出現一單重磅收購！迪士尼將以逾520億美元，收購傳媒大亨梅鐸旗下，21世紀霍士大部分資產，連美國總統特朗普都支持。兩間公司嘅市場佔率都有咁上下，自1990年起，每年頭25套高票房電影，都由迪士尼同霍士包辦，若以舊年票房嚟計，兩強聯手後更將佔市場分額近四成。
Now財經台評論員趙善真話，迪士尼收購彼思動畫後，成功交出好成績，佢相信今次兩強聯手締造「多贏」，其他規模較細嘅同行都有望分一杯羹。
