【Now新聞台】截至早上11時止，《彭博》系統Top search No.1 為富智康集團、比亞迪電子、CWT、敏實集團及時代中國。
台灣首富郭台銘決定參選總統，帶挈鴻海系炒上，市場亦將郭台銘同美國總統特朗普拉埋一齊嚟睇，因為大家都係商人背景走去選總統。不過，兩人最大分別必定係涉入股市嘅程度，特朗普嘅娛樂地產王國並冇上市，所以當時佢參選，基本上冇引起今次嘅「郭台銘效應」，炒起晒相關股份。
撇除政治因素，智能手機同5G發展對鴻海系嘅手機零部件股都有刺激作用，但富智康股價短短幾日內，由毫子股炒到上2蚊水平，可能已經反映咗唔少利好消息，投資者都要小心。
