【Now新聞台】截至早上11時止，《彭博》系統Top Search No.1為俄鋁(00486)，第2至5位依次為南方航空(01055)、中國鋁業(02600)、中銀香港(02388)及ASM太平洋(00522)。
今日一樣會做年尾回顧，根據2018年度Google十大熱門搜尋港股，第5位係年初至今累積升幅達36%嘅華潤水泥(01313)﹔第4位係分拆咗平安好醫生嘅中國平安(02318)﹔第3位係新股超購王嘅希瑪眼科(03309)﹔第2位係史上新股超購倍數最多嘅毛記葵涌(01716)﹔最後第一位係香港首隻同股不同權股份嘅小米(01810)。
鄭瀅就話，十大熱門搜尋入面，有一半係新股，可能係投資者對新股唔熟悉，所以要search嚟知多啲細節，值得留意嘅係有兩隻傳統藍籌上榜，睇嚟年尾市況唔好，藍籌都有一定吸引力。
