【Now新聞台】截至早上11時止，《彭博》系統Top Search No. 1是比亞迪股份，第2至第5位分別為萬科國際、中銀香港、中國財險及中國南方航空股份。
美國科網股噚晚爆小股災，其中焦點股份Facebook月中捲入用戶資料外洩醜聞，到依家爲止市值蒸發咗超過900億美金，至於香港「股王」騰訊控股早排畀大股東減持，搞到「股王」跌到一仆一碌。
Now財經台評論員趙善真話，擔心Facebook之後會唔會加强監管，拖累埋其他社交平台，反觀騰訊業務多，又有一班「死忠粉絲」，股價尚算幾硬淨。不過，趙Sir認為，騰訊未來嘅上升空間好有限，反而Facebook今次可大步攬過的話，股價隨時爆贏騰訊。
