【Now新聞台】截至早上11時止，《彭博》系統Top Search No. 1是石藥集團，第2至第5位分別為中信股份、太古地產、眾安在綫保險及中國移動。
踏入新一年，內銀股即成為焦點，其中建設銀行今朝又破頂，一度高見7.47元，值得留意係，建行去年升咗27%，同招商銀行嘅77%差好遠。
Now財經台評論員趙善真指，過去內銀有唔少不良貸款，同埋影子銀行等潛在問題，中央用去槓桿政策應對，但就有「副作用」，令內銀股長期唔識升，所以建行嘅表現唔算差。趙SIR又話，建行有追落後嘅勢頭，股價今日又破頂，依家最緊要睇住個勢keep唔keep到。
