【Now新聞台】截至早上11時止，《彭博》系統Top Search No. 1是新世界發展，第2至第5位分別為新鴻基地產、中國交通建設、領展房產基金及中國鐵建。
港股雞年埋尾大幅波動，踏入狗年大市繼續Chok，除恒指波幅指數外，恒指30日波動率亦有啟示，波動率愈高，意味股市會「升得慢、跌得急」，亦預示投資風險趨升。
Now財經台評論員趙善真指出，2015年同2016年波動率高，同「大時代」及英國脫歐有關，舊年就受通脹預期升溫引發嘅息口變化，趙Sir又話，現時波動率已經過高平均水平，投資者真係要打十二分精神，國指嘅波動率更加係全球主要指數中最高。
