【Viu】電影《善男信女》導演楊兩全與女主角鍾雪瑩日前親身飛到多倫多出席影展，將作品帶到國際舞台！兩位喺電影開場前亦特地入戲院同觀眾打招呼！
阿雪透露自己第一次睇劇本時已被打動，又話好希望每個喺都市中有抑壓嘅人，都可以感受到人同人之間嘅溫情互動。導演楊兩全指世界好艱難，「故事最後講到世界係難係差，但都有一啲美好、溫暖喺身邊。好似呢個故仔後面，竟然喺敵人身上搵到嗰份溫暖。雖然呢個世界都係一樣咁差，感受到美好都可以繼續行落去！」世界首映之後，導演同阿雪喺映後環節同海外影迷交流，簽名、影相，氣氛相當好！
完成世界首映之後，楊導表示自己如釋重負，又指觀眾反應好好。第一次去到加拿大嘅阿雪多謝觀眾畀好多鼓勵，「感覺到佢哋好享受呢一部電影。」楊導又憶起觀眾離席時向佢哋舉起手指公、展現開心表情，佢都好開心！入嚟睇咗實況片先喇！
