【Viu】《破·地獄》終於再返來喇！英皇電影今日宣布，原班人馬拍新戲《一九七一》（暫名）。電影繼續由陳茂賢執導，黃子華、許冠文、衛詩雅、朱栢康、周家怡等演出，而新加盟嘅陣容更包括林嘉欣、荷李活電影《權力遊戲》男星Iain Glen、方中信、張繼聰、鍾雪瑩、駱振偉等，真係未出發先興奮。眾星日前已出席開鏡儀式，拜個靚神祈求拍攝順利。
子華神率先透露今次角色深不可測：「今次做咗一樣從影以來未曾嘗試過嘅嘢，非常滿足。我同Michael San（許冠文）嘅角色關係，到成部電影嘅架構都去咗另一個層次。今次我哋兩個會完全投降，完全相信導演嘅抉擇，會完全聽話。」至於文哥就表示：「今次作品格局更大，充滿年代感，台前幕後都非常投入。」
