【Viu】Edan x Ryan喺銅鑼灣演出後，繼續做「糖黐豆」孖住受訪，Ryan自稱每次loop《1206》MV嗰陣都唔敢睇最後嗰分幾鐘彩蛋，因為覺得係「黑歷史」？「呂導」Edan亦話今次MV都留有一個小遺憾，究竟又係咩事？encore再出合唱歌彌補返呢個缺口？
呢對巴打重回「1206」宿舍拍攝MV，Ryan話拍嗰陣好感觸，又指如果當時唔係成日飛去比賽，有多啲時間同大家傾心事，應該會係勁溫馨！Edan緊接爆老best喺樓友group入面，短短地打咗篇百字文表心聲，但當事人Ryan唔認感性，貴為朗誦小子嘅Edan即場攞部電話出嚟朗讀，有feel有feel！
對呂導高度評價演技自然，Ryan笑言暫時唔會向戲劇方面進發，除非係呂導開戲畀佢拍咁話！呂導聽到即brainstorm拍《骰（色）戒》，定係又開套BL劇先？
Edan喺噚晚（23日）做完兄弟Jer嘅個唱嘉賓後，直飛去join Ryan開live，見佢兩個打完牌之後再打機，打得興起又忍唔住爆粗，Edan笑言成個live係懷住120%驚恐去開，咁會唔會再有下次㗎？
講起打牌，Edan又搵埋「姑媽」吳君如、佘詩曼、肥仔、阿Dee、Renci開枱「做運動」，阿佘自爆輸肥仔4位數，咁兒登又有冇輸？另外，Edan做Jer嘉賓加插8分鐘嘅棟篤笑係即興？幾時有傻闌帶頭起跳嘅片睇？而Ryan則稱有重新update比賽嗰陣聽嘅song list，因為聽親Edan嘅歌都唔老黎，咁聽邊首歌係穩贏？想知嘅就去片啦！
