【Viu】Stanley今日嘅身份唔係熱播劇《COURT！》入面嘅方官，而係男團MIRROR成員，為青年機構嘅啟幕禮擔任主禮嘉賓！睇story見Stanley今朝7點半先喺劇組收工，小休一個鐘又再出動啦，但仍然都係咁精神！講返起佢之前有為機構擔任跳舞導師，聽到有學生因而加入導師行列，Stanley不知幾沾沾呀！
話題去返《COURT！》方官，Stanley密密同劇迷喺Threads互動，開心話有種同街坊討論劇情嘅感覺，又笑指身邊唔少朋友套佢料，想chok佢問劇情同埋之後會唔會再出現，咁⋯個答案係？
談及Stanley喺《COURT！》播出前係壓力山大，深怕承接唔住《IT狗2.0》嘅氣勢兼熱度，加上自己又係第一單元、打頭陣現身，但見大家咁鍾意套劇就放下心頭大石，有返晒信心，更開心見有fans對佢嘅種種讚賞，包括對眼勁有戲、同《IT狗2.0》係兩個演繹方法等！
ViuTV噚日公布大型國際合拍劇集《kiDnap GAME》嘅演員陣容，集結亞洲七地頂尖演員，參演之一嘅「國際巨龍」Stanley興奮話呢個角色係casting返嚟，堅係憑實力㗎！佢透露劇中主力同李準基、坂口健太郎有對手戲，對白有廣東話、英文、日文、韓文，仲即場表演日文台詞添！呢次演律師有冇好多專業術語要背？
另外，對Edan最新同Ryan嘅嗰首合唱歌MV以孖煙囪上陣，有「巨龍」見稱嘅Stanley有冇得battle下？最後就係update籌備婚禮嘅進度，想知嘅就去睇足本訪問啦！
