【Viu】MC張天賦 x CONSTANCE x Gareth.T今晚喺亞博順利完成拉闊騷，事後受訪時，包包指出場前堅係勁緊張，獲師兄s MC、Gareth畀tips鼓勵，但一去到下半場就開始唔捨得完騷啦！包包又話爸爸Eason喺騷前有畀意見佢，例如係點keep住把聲，至於媽咪阿徐就一直喺後台支持，而男友「一哥」黃澤林則身在外地比賽中！
喺後台見到Gareth突然戴口罩，佢自爆最近中咗甲型流感，不過冇擔心影響演出，同時都提醒咗自己下次出騷前少出街唔好咁易病！同MC組限定男團首唱《金童子》好happy，預告各自嚟緊開騷會跳多啲！對為小師妹包包唱《難得有情人》嗰陣伴舞，原來係MC發口痕嘅idea，有冇後悔？包包又點評價兩位師兄嘅跳舞風格？
三位又逐一揀選最鍾意邊part，下次有機會三人合唱？首歌就叫《金童子女》？包包嘅fans名暫定「堤子包」？Gareth嘅fans又叫咩名？MC 7月紅館騷宣布加場，距離開騷都仲有兩個月，但MC話有件事嘅進度唔係太良好，究竟係咩？另外，自包包認愛黃澤林後，唔少網民都發現佢哋嘅互動，包括黃澤林一贏波就wtsapp包包，係咪真？之後會飛去撐男友比賽？想知就睇足本訪問啦！
