【Viu】舞台劇《The Magic Hour 魔幻時刻》喺嚟緊6月頭就喺演藝上映，想率先知套舞台劇係講咩？小編搵嚟3位街坊「愛民邨順嫂」葛民輝、「順利邨陳生」AK@MIRROR、「彩虹邨謝生」謝君豪嚟同大家劇透，現場氣氛鬼死咁歡樂呀！
咪以為佢咪3個係第一次合作呀，原來AK同阿葛係識於微時，仲已經合作過添！唔知阿葛當時對AK嘅印象如何？講講吓，豪哥都話同阿葛一早相識，呢段緣份又係點開始㗎呢？豪哥又爆笑「投訴」阿葛講嘢太大聲，引唔住問林海峰平時係點同佢相處，真係畀佢笑死！
有傳Edan喺宣傳劇集《光明大押》嗰陣有向豪哥推薦孖AK演舞台劇，莫非今次嘅合作係由Edan暗中牽紅線？之後阿葛又抵死加把口話誤闖「AK園」，查實佢同豪哥不知係幾咁欣賞AK，話睇到AK身上自帶光芒，喺舞台上又好放鬆，聽到兩位前輩輪住勁讚，AK你識「回禮」啦？另外，佢哋仲開心share埋人生中嘅The Magic Moment係幾時，嗱嗱臨將時間交畀喺1廠嘅3位街坊啦！
