【Viu】《KEUNG TO "LAVA" LIVE 2025》昨晚舉行第5場，適逢冬至，姜濤喺開騷前送上靚湯畀工作人員滋補下，巧Sweet呀！當姜濤唱至《DUMMY》期間，現場一度跳電，好彩姜Admin處變不驚，仲搞Gag叫觀眾早啲返屋企食冬至飯，又叫Dancers們喺台上食湯丸應節，仲喺監製細榮開大咪指導下，秒變Fans Meeting，同全場觀眾大合照，令全場Fans瘋狂尖叫！大概10分鐘後，電力系統終於修復，姜濤即接住表演《鏡中鏡》，Respect！
原本登上「亞博360」獻唱《亞特蘭提斯》嘅環節，因安全問題取消，姜濤亦向山頂嘅朋友致謙環繞全場同姜糖唱冧歌，仲首唱由Ian作曲嘅新歌《你要倔強》補數，超正囉！
至於昨晚嘉賓就係Janice衞蘭，姜濤一見女神即變「姜尷」，合唱《大哥》至尾聲先由Janice主動拖手仔，笑Cry！姜濤分享同Janice嘅相識經過，仲話信仰喺呢半年點樣幫到自己，當佢落台時又話終於可以專心聽Janice唱歌，Janice都忍唔住話：「So Cute！」想直擊Cute得嚟又淡定嘅姜濤就睇片啦！
