【Viu】久未露面嘅「松松姐姐」陳松伶今日驚喜現身，凍齡有術嘅佢瘦咗更明艷照人！佢宣布明年2月28日喺伊館舉行《陳松伶演唱會》，席間更率先首播新歌《松伶》MV！松松姐姐指依家睇MV嘅其中兩幕都會爆喊，繼自爆錄新歌前喊足一個月，勁感觸呀！佢笑話就連cool爆嘅老公張鐸都超愛呀！到時開騷驚唔驚喊住唱？定要擺喺最一首先唱？
松松姐姐沾沾話暫時搣甩咗14kg，更即場擺動身輕如燕嘅body，笑死呀！佢笑指老公擔任無情嘅魔鬼教練，每日要求做500下深蹲，雖然好harsh，但老公都有跟住一齊做嘅，係愛呀！而松松姐姐話仲要減多5kg，會跟照營養師餐單「衝刺」，最緊要係飽住瘦！
依家暫定一場演唱會，如果要加場嘅話，松松姐姐話要靠大家支持啦，入場見證佢由I人，蛻變到放飛自我！佢又透露必唱經典歌《烏卒卒》、《天涯歌女》，但一問到嘉賓list，松松姐姐就大賣關子啦，不過聽佢嘅口吻，睇嚟老公會上台高歌一曲喎！即刻去片聽松松姐姐點講啦！
