【Viu】AK@MIRROR、Jeremy@MIRROR今日為電台節目《西加航空》喺機場擔任嘉賓，大談旅行趣事之餘，又帶咗啲旅行手信嚟介紹，最後當然唔少得唱歌冧生粉、Unicorn啦！
提起旅行，AK一完solo concert就即飛新加坡紋身，佢指習慣咗每次完成一件大事就留個紀錄！而呢個紋身係佢有份畀idea，更笑話係問准咗公司，攞正牌去紋身！
日前Jeremy孖姜濤、Edan同鏡粉開zoom傾偈，將「SLDPK」重新定義成「成龍打保錡」，Jeremy抵死笑話：「唔知呂爵安個腦裝乜？」兼稱Edan係網癮少年，所以下次有唔明嘅網絡術語都係會問佢，最多畀對方笑啫！
繼而講到着泳褲打底話題，佢哋詳細解釋呢個男明星嘅小秘密！至於提起有鏡粉考古到條MIRROR初出道嘅訪問片，佢哋指會用遮瑕膏遮去上身嘅重要部位s，AK、Jeremy豪言依家唔會再遮，大個仔就直接露，夠晒霸氣！
另外，佢哋仲有進一步劇透團歌嘅details，希望可以喺中秋前面世；AK亦預告會有小組歌，好快會進行錄音；Jeremy、Edan、姜濤、AL首小組歌又幾時出？睇足本訪問片就一清二楚啦！
