【Viu】「宇宙最強」甄子丹今日夥已故動作巨星李小龍嘅囡囡李香凝，現身《李小龍誕生85周年紀念展：無形之道》揭幕禮。丹爺憶當年拍劇演陳真，監製陳木勝希望丹爺唔好扮李小龍，要有自己風格，但丹爺堅持做陳真係同李小龍致敬，唔需要創造新嘅陳真，唔可以破壞經典。
丹爺更自爆11歲時已將地拖棍鋸開兩半，用繩縛埋做雙截棍，插落對襪返學，仲試過扑穿人哋個頭。喺外國讀書都有被撩隻揪，有贏有輸，不過贏多！講到自導自演嘅荷李活電影《殺神John Wick》外傳近日進入Casting狀態，亦落實喺香港取景。真係未睇先興奮呀！
而Shannon李香凝表示感激丹爺撐場，兩人認識已逾25年。又表示一直有製作關於爸爸嘅影視作品，最近亦寫書兼搞埋動畫，希望新一代會認識爸爸。想聽更多就入嚟睇訪問片啦！
