【Viu】韓國音樂盛典《2025 The Fact Music Awards》今日喺澳門舉行，擔任表演嘉賓嘅Anson Lo@MIRROR表示睇過TMA好多次，但冇諗過可以參與其中，覺得好榮幸！佢又難掩興奮自認係女團aespa嘅fans，唔知有冇機會集郵？今次可以參與韓國盛事，有冇向同樣係K-pop迷嘅Jeremy沾沾一吓先？
教主指都有擔心過天氣，始終個騷係戶外，驚神徒淋濕，但同時又笑言可以當預演香港WATERBOMB！上次新加坡就同神徒play safe，香港啦喎⋯係咪可以play wild？歌衫又會唔會sexy啲先？同埋記得會閂水喉？而早前杜琪峯透露會繼續拍教主主演嘅新戲，教主幾時再開工？到時會再染返黑髮？
「宇宙最強」甄子丹拖實老婆汪詩詩壓軸現身紅地氈，佢透露今次嚟係頒人氣大獎，又笑言見到咁多男、女團，自覺更後生！唔知丹爺平時有冇聽開K-pop？另外，見丹爺最近為自導自演嘅荷里活動作電影《殺神John Wick 4》起勢做gym操弗，到時會點surprise影迷？佢更爆會自肥喺香港取景，講明維港景就一定走唔甩，唔知仲會去邊度拍？
唔止訪問精彩，紅地氈實況都勁吸睛，多隊韓國大勢男、女團輪住出場，包括有Stray Kids、IVE、aespa、BOYNEXTDOOR、NCTWISH、NMIXX、MEOVV、ENHYPEN等，喪派心心、飛吻等福利，唔睇就真係走寶啦！即刻去片啦！
