【Viu】COLLAR嘅Candy同Winka呢日喺馬鞍山出席迎接聖誕活動，見到啲可愛小朋友跳舞，佢哋都回憶起細個時嘅情況，Winka小學一年班學過芭蕾舞，Candy就跳現代舞，佢都幻想過第時生女，會俾個女去學跳芭蕾喎！
講到第一次以「Windy」呢個組合工作搵銀，佢哋話都習慣出活動未必7位成員全齊，但都希望聖誕節可以齊人燒吓嘢食應吓節，Winka即提議去Candy公公屋企BBQ！提到以前COLLAR試過聖誕交換禮物，啲禮物又廢又爆笑，Candy就話記得有人送廁紙，Winka話好似係阿Day，搞吓笑啫！對於聖誕，Candy以前冇咩儀式感，但而家會開始留意聖誕服飾，Winka就一早進入聖誕mode，會gel聖誕指甲添，佢仲透露第一年同男友過聖誕，兩口子過節前會去個小旅行，感受吓浪漫氛圍，巧sweet呀！
提到Candy啱啱完成舞台劇《請勿打擾》演出，佢話暫時未有後遺症，未感受到完騷嘅失落，因為一直keep住工作，又要準備新團歌，可能之後如果靜落嚟就會掛住演舞台劇嘅時光！至於COLLAR入圍商台叱咤我最喜愛的組合十強，Marf就入我最喜愛女歌手十強，「Windy」都話會大大力支持好姐妹呀！快啲睇足本訪問啦！
