【Viu】金燕玲、「蝦頭」楊詩敏、李尚正喺馬年賀歲片《金多寶》中飾演family，首次參與賀歲片嘅金姐大叫好激動，指同翁子光導演自合作《踏血尋梅》後成好友！金姐表示喺戲中係情感擔當，當正片咁演出，搞笑部份交畀「仔仔」正爺同「新抱」蝦頭，笑言同佢哋對戲嗰陣成日爆肚演出！
金姐爆料指翁導搵嚟許冠文、鮑起靜客串，期待同二人鬥戲！翁導則賣關子仲有其他星級嘉賓參演，又指偶像Michael San同鮑姐係一口答應客串，仲透露Michael San有同佢研究劇本添！翁導講到明除咗Edan之外，好想同Michael San喺電影上再合作，希望做到推動香港電影一角！唔知由Edan主演嘅《法迷藏》幾時公映？
蝦頭同正爺飾演兩公婆，影相嗰陣就已經忍唔住「打車輪」，戲中尺度又有幾大？輪到蝦頭爆料指有日被回收姐姐點錯相，笑死正爺呀！正爺又笑言今次係從影以嚟喊得最多、最激動，秒被金姐challenge！另外，講到金姐嘅密友蘇施黃被商台DJ泰山爆指職場欺凌足8年，金姐又點回應？想知就去睇足本訪問啦！
