【Viu】MC張天賦今日出席銀行活動，同卡通「MC仔」喜相逢，仲自爆唔同花名有唔同用途，最正係媽咪叫自己做「Michael」就代表瀨嘢㗎喇！MC又話自覺就快3張嘢，新陳代謝減慢，所以呢排一星期做兩日Gym操弗，仲立Flag話今次好有恆心添！笑問會唔會搵Tyson Yoshi陪運動，MC就謙稱唔同級數，對於孖「Tiramisu」Tyson、姜濤同林家謙被網友封為「新四大天王」，MC就話開心得嚟巧有壓力，仲爆笑自封「Sweet & Sour」嚟闖蕩樂壇添！
對於日前翻唱側田金曲《決戰二世祖》獲網友激讚，MC親解同側田嘅淵源，仲預告想開「別人的歌」演唱會，咦？咁到時會唔會唱埋四大天王嘅歌呢？睇足本訪問就知啦！
