【Viu】MC張天賦今日出席銀行活動，以廣告造型現身，笑言要縮肚先著得返幾年前嘅衫，仲自誇腳長，喺廣告片中跨得好有型！咦？咁有冇興趣挑機《樹大招風》嘅「東莞仔」招牌跨欄動作？估唔到MC原來以前都做到㗎，依家就要練吓喇！MC又自爆試過為咗買遊戲裝備碌爆卡，當時豪花咗5位數，但買得開心又打得過癮，果然係「張三歲」呀吓！
MC又預告將於7、8月出碟，仲有連串活動同音樂會陸續有嚟，保證歌迷有驚喜！咁驚唔驚好似Tyson啲歌迷性感上陣索簽名，畀返驚喜佢呢？MC就話要等公司安排係「親自出手」定「假手於人」喇！不過，MC都叮囑歌迷唔好幫襯黃牛，亦心痛有Fans畀假飛黨呃錢，所以教大家點樣可以優先搶到自己嘅演唱會飛添，有啲料到！
此外，講到《全民造星VI》參賽者已曝光，原來其中一位係MC以前Busking嘅結他手，仲勾起佢當年跳《前傳》同拍節目嘅慘痛回憶添！想知就睇足本訪問啦！
