【Viu】Alex喺《杜德偉GET UP 世界巡迴演唱會 - 香港站》尾場孖囝囝AJ派完洋蔥後，換上黑色閃片運動裝大跳《影子舞》，隨即開放現場點歌環節，雖然自嘲年紀大記性差，但清唱依然冇難度，最後以《信自己》作結，順利完成兩場動感x感動嘅演唱會！
完騷後Alex直言兩場夠晒喉，除咗已經唱到冇聲外，仲因為戴Ear mon搞到耳聾咁滯。Alex又大讚AJ表現好，完全唔怯場，甚至係最好嘅PR Manager，喺學校都好受歡迎㗎！講到呂方激罕帶埋囡囡捧場，小妹妹仲High爆跳舞，Alex笑指皆因呂方個女叫「呂High」，但就無意同老Best「對親家」喇，係咪好想知點解呢？
Alex又踢爆Fatboy@ERROR喺《脫掉》時High爆除衫，仲喺後台騷相畀自己睇。咦？之但係Alex反而冇除衫喎，佢就話係有苦衷㗎！
講到邀得「小旋風」林志穎做嘉賓，兩位「不老的傳說」碰頭，到底邊個「防腐系數」更高呢？梗係等Alex親自解答啦！佢仲講埋喺Juno執導電影《風林火山》中被刪咗乜嘢重大場口，想知就睇足本訪問啦！
