【Viu】Gao@COLLAR、談善言、Ben袁富華、「阿丙」梁仲恆等今日現身舞台劇《鱷魚之吻》記者會。牙Gao、阿談身為劇場初哥，二人表示預咗緊張，阿談又爆劇本目前仲係修改階段，想背都背唔到。牙Gao就謙稱自己「好廢」，要靠團隊幫助。咁有冇向有舞台經驗嘅姊妹Winka、芯駖取經？Gao話終於見證佢哋嘅辛酸。問到阿談有冇陪吓老Best柯煒林？佢笑稱對方仲多工作過自己，總之有需要都願意孭對方返屋企，係愛呀！
Ben哥開心飾演千億富豪，問到喺屋企有冇練習？Ben哥即求生指數MAX話唔敢當老婆係妹仔咁點，叻呀！而阿丙就自誇距離千億身家只差少少，咁Funny？快啲睇片聽吓佢哋講咩啦！
