【Viu】電影《水餃皇后》今日舉行慈善首映禮，導演劉偉強率領眾演員馬麗、惠英紅、Ben袁富華、鮑起靜、姜大衞、李琳琳、余安安、張達明、張達倫、林愷鈴等出席，臧姑娘嘅兩名女兒Joanne、Jessica，同埋呂良偉、黃百鳴、葉子楣驚喜現身！
紅姐、Ben哥不約而同話拍戲嗰陣勾起佢哋好多小時候嘅回憶，見到片場嘅一磚一瓦同細個係一模一樣，覺得好surprise！紅姐更話曾喺灣仔碼頭偶遇過臧姑娘，試過佢嘅手勢添！Ben哥則開心share之前喺西營盤賣成衣故事，笑話唔知導演係咪有預謀搵佢演出，成個感覺都好有親切感！
佢哋又講到同馬麗合作嘅點滴，紅姐大讚好友超有語言天分、Ben哥就指馬麗係一位好聰明嘅演員，雖然只係第一次合作，但好快都建立到默契！喺呢個時候，紅姐有料爆，笑指喺片場最麻煩嗰個係劉導，點解嘅？有咩內情？
紅姐憑電影《我愛你》獲第二十屆中國電影華表獎優秀女演員獎，成首位香港女演員奪得呢個殊榮！佢眼濕濕話好開心、榮幸、感恩，最多謝嘅係自己！紅姐坦承下一個目標就係鎖定金雞獎，繼續演好未來接到嘅每一個角色！
劉導笑話今次呢個故事係搶返嚟，同時畀大家一個驚喜，以作品話畀大家聽佢唔淨係會拍男性題材嘅電影！講到專登搭建一比一嘅場景，劉導話用咗好多位數字，更為節省開支縮短拍攝組數添！馬麗坦言一直都好崇拜劉導，合作期間都有互相分享細個嘅故事，拍攝嗰陣發生咗啲咩趣事？依家變咗包餃子能手？包餃子畀影迷當派福利？想知就睇足本訪問啦！
