【Viu】ViuTV節目《Dance X Crew - Hong Kong Stage》今日錄影決賽，四位主持Fatboy、Gao、Tsoul田曜誠同WinWin梗係要盛裝上陣，Fatboy踢爆Tsoul特登set個「田柾國頭」嚟見人，搞到Tsoul無奈話：「大家都係姓田，點解差咁遠！」笑爆全場！
至於WinWin就對日本霹靂舞運動員飯沼月光同半井重幸心心眼，仲話要為咗男神做「B Girl」，甚至想做佢哋嘅Baby Girl添喎，有品味呀！而Gao就話如果自己嘅舞團「The Quickies」奪冠會超開心，仲想全公司嘅「舞林高手」齊齊組隊去參賽；Fatboy亦接力預告《Dance X Crew》會有新搞作，敬請期待！
講到姜濤喺限時動態預告22/8將會有大癲表演，有份排舞嘅Fatboy笑言排到想斬姜濤，係咪好想知呢？
此外，遠道由日本來港表演嘅「XII After Ours」希望同香港舞者合作，曾參加巴黎奧運嘅半井重幸仲大方分享比賽心得，想知就睇足本訪問啦！
