【Viu】台灣天團五月天噚晚喺啟德主場館舉行《回到那一天》25 週年巡唱香港站首場！當五月天隨住「Fly to 25TH豪華客機」出場，並先後唱出《OAOA》、《孫悟空》、《傷心的人別聽慢歌》等歌曲，五月天再次感謝歌迷陪伴佢哋度過25週年嘅五月之約！
之後瑪莎爆冠佑喺後台同佢講會著羊毛外套，因為裇衫太透！怪獸、石頭就出手想掀開冠佑嘅外套，歌迷都大叫「脫掉」！阿信就望到石頭件衫有好多窿，石頭無辜咁話自己咩都冇露，怪獸笑住話：「因為預算都在冠佑這裡了！」
去到點唱環節，有歌迷喺台下舉起「我有提詞雞」，並將冠佑嘅相放喺雞蛋圖案當中，怪獸就問：「冠佑的小雞很可愛！？」，相當搞笑！阿信就拎住歌迷印嘅細張歌詞，講笑話自己年紀唔細：「香港的朋友沒有A4紙嗎？」
是夜，當年提攜過五月天的師兄任賢齊也有來捧場，阿信特別介紹他，道謝及即席唱《對面的女孩看過來》！
尾聲，喺25年前，五月天初次嚟香港宣傳係喺好細間嘅live house唱歌，一步步唱到去啟德主場館，阿信感性地講：「變化的是演出場地，不變的是我和你，和每年和你們在一起五月之約。」
