【Viu】《第 18 屆亞洲電影大獎頒獎典禮》今日喺戲曲中心舉行，紅地氈星光熠熠，林明禎同家姐林詩枝靚爆現身，仲大無畏咁話食咗豬腳做早餐，真係天生麗質咯！對於有指緋聞男友Edan日前由韓國突然返港，孖明禎過白色情人節，佢就完全唔知情，家姐仲細細聲問：「誰是Edan？」其後明禎解釋白色情人節喺台灣開工，仲預告聽日就離港添！
至於Marf@COLLAR大晒美腿，仲坦承出英文歌係為咗擔任Coldplay演唱會暖場嘉賓做準備。而最性感嘅非梁雍婷莫屬，Deep V x大露背，索爆全場！
此外，一眾台灣男神女神亦Sharp爆現身紅地氈，入圍「最佳男主角」嘅彭于晏開心到反白眼，仲笑言要幫戲中狗狗爭獎。想知彭于晏、劉以豪、楊謹華同林柏宏嚟香港有咩感受，記得睇足本訪問喇！
