【Viu】Jeffrey魏浚笙、Lolly Talk、Snoopy詹仕偉今日唱爆西沙GO PARK。Ah Yo@LT早前被朋友阿樹嘅女友公開指責，話Ah Yo因爭仔而欺凌人，Ah Yo首回應事件認有爆粗，又表示以後會注意言行，更因此俾公司鬧鑊甘。問到同阿樹仲係咪朋友？Ah Yo表示二人目前係同學關係。隊友亦齊撐話相信Ah Yo為人，咁擔唔擔心走粉？Ah Yo就話有收到波板糖DM關心。
而飛咗日本個半月拍動作電影嘅Jeffrey，即沾沾狂晒日文，又透露每日只瞓兩粒鐘但開心，唯一唔慣係食凍便當。講到聽日賣飛嘅《膠戰RUN FOR YOUR LIVE》，佢竟然有啲諗法喎！
最近Jeffrey驚喜客串內地劇《難哄》被指顏值高，佢就謙稱男主角白敬亭身高比佢高，又感激導演瞿友寧俾佢自由發揮講經加港普特色。再問恨唔恨演老友Tyson Yoshi《1994》MV嘅古惑仔角色？佢笑稱「表面凶狠，實際碌x」。想一齊笑？就睇足本訪問片啦！
