【Viu】《IAN CHAN "TEARS" IN MY SIGHT SOLO CONCERT TOUR 2025 - LONDON》將於12號舉行，Ian陳卓賢今晚9時半現身香港機場，啟程去倫敦做好準備，以「眼鏡賢」Look現身嘅Ian，不時向現場等候嘅Hellosss派飛吻兼派心，仲有大合照，寵粉世一呀！
Ian坦言將舉行首場個人巡場心情緊張，加上日前上山下海拍攝新歌MV，休息時間不多，但有準備褪黑色素好讓自己搭長途機時可以瞓個靚覺。Ian透露倫敦場嘅歌單同衣著都有別於香港騷，相信大家會有驚喜，仲主動提及網友最關心嘅招牌背心，同埋操肌情況，好True呀！
講到要同愛犬「雞髀」分隔兩地，Ian踢爆雞髀啱啱以傷心嘅表情圍住行李轉，似乎好唔捨得主人咁噃！咦？咁不如打Video Call以解相思之苦啦，「幽默陳」又上線喇，想知就睇足本訪問啦！
