【Viu】一連三場《吳林峰To Be… 演唱會》今日下午舉行第二場，除咗MIRROR成員Jer、Jeremy同金牌監製王雙駿、許廷鏗、Moon Tang等捧場外，仲邀得「叱咤新力軍金獎」得主Ashley林愷鈴做嘉賓合唱，吳林峰仲怕怕醜醜咁送生日禮物畀壽星女，又請全場觀眾齊齊講Happy Birthday，場面溫馨！
吳林峰騷後受訪分享一日唱兩場嘅秘訣，全靠自隊兩個飯盒，又話邀請Ashley做嘉賓全因一個字—靚，仲笑談畀Carl叔叔催婚嘅拆解方法。講到Jer、Jeremy同Stanley喺短片中控訴佢唔造歌畀佢哋，吳林峰再三否認，仲立Flag話：「有嘅話，我聽日就禿頭！」又話已經幫三位分別寫咗一首歌，係舊年12月交貨嘅，絕對冇逾期未交！
此外，吳林峰噚晚喺首場演唱會上唱《好不容易》悼念方大同，佢親自剖白收到偶像死訊嘅心情，想知就睇足本訪問啦！
