【Viu】ERROR只此一場嘅《WHAT’S GOING WRONG??》演唱會，今晚喺會展舉行，四子「重金禮聘」華Dee、「福祿壽」陳百祥、曾志偉同譚詠麟「登場」做嘉賓，High爆勁唱《獨自去偷歡》、《我至叻》、《天下無敵我愛你x俾獎金》同《愛情陷阱》，笑爆全場！
適逢今日係保錡34歲生日，ERROR隊友率領全場大合唱「錯版生日歌」，仲效法隔離台送上成盤壽包，可惜係冇掟嘅，最後仲拎出巨型撈箕收利是，同時唱出4首Hit爆團歌《Never Come Back》、《愛情值日生》、《我們很帥》同《我們不Chok》，404啲回憶仲唔返晒嚟！
