【Viu】「宇宙跳唱天團」ERROR 6歲生日快樂！今日四子chok爆現身處男簽唱會，佢哋先上台唱《無敵聖衣》炒熱氣氛，一秒撻着成個場！
四子當然唔少得唱新團歌《野舞士》啦，呢次仲係佢哋嘅首唱添！之後就開心share邀陳慧嫻客串拍MV嘅趣事，保錡爆佢哋只係即場練咗一粒鐘舞就拍，自誇已經勁過好多人！阿Dee跟手沾沾話呢隻舞個style係同韓國天團BIGBANG撞咗，究竟邊個係G-Dragon、太陽、大聲？193個freestyle又畀陳慧嫻激讚？
去到簽唱會尾段，陳慧嫻以VCR代宣布ERROR即將喺明年1月尾開會展騷，四子都好識做咁宣傳返慧嫻姐姐個紅館騷！而演唱會嘅poster亦隨即曝光，見阿Dee托住部電視機係有特別意思？佢哋又呼籲各位錯粉睇吓張poster What’s going wrong？最後四子親近錯粉大合照，一齊講「生日快樂」，sweet到爆呀！
