【Viu】日本搖滾天王HYDE相隔5年再舉行世界巡迴演唱會，香港係呢次嘅世巡嘅第二站，今晚喺麥花臣rock爆開唱！臨開騷前，台上嘅大銀幕由1分鐘開始倒數，撻着全場fans嘅hype mode，自動波尖叫加舉住手等偶像出場！一開始，HYDE喺超高講台突然現身，打頭陣帶嚟《LET IT OUT》，深喉式scream爆成個麥花臣！
去到第二首歌《AFTER LIGHT》前，HYDE喺講台落番嚟行到fans面前，叫fans歡呼之餘，又係咁大嗌「Hong Kong」，氣氛熾熱！期間HYDE超high咁帶動全場fans大合唱，接住表演第三首歌《I GOT 666》繼續同fans互動！
HYDE唱完之後就同fans打招呼，嚟到香港場入鄉隨俗大晒廣東話：「歡迎⋯歡迎⋯我係HYDE！」未知HYDE係咪一時唔記得點講窒咗一吓機，呢吓咁cute嘅反應，香港fans當然照單全收！然後HYDE就轉英文channel同fans傾偈，想知HYDE同fans仲有咩互動？想睇現場情況有幾high？即刻去睇實況片啦！
