【Viu】由鄭伊健、Ian陳卓賢、Cecilia蔡思韵同Natalie許恩怡領銜主演嘅電影《久別重逢》，等足成年，終於定檔喺12月上映，當伊健遇上Ian，兩代男神嘅顏值當然吸睛，加埋女神Ceci蔡思韵同Natalie許恩怡共譜一段橫跨經年嘅純愛故事，單睇預告片都感受到初戀嗰種悸動呀！小編帶大家直擊四位主角首日同場開工嘅情況，仲有各位Hellosss最期待嘅畫面—「校服賢」，仲謙稱再著校服好尷尬，又稱20歲嘅Natalie做小朋友，全程「紳士腳」自降身高去遷就對方做訪問，gentlement到小編都心心眼！
Ian除咗為首套電影曲詞編監歌曲《Tides》外，原來仲會同伊健合唱，伊健大讚Ian嘅音樂造詣高，而且沉默寡言嘅性格似足後生嘅自己咁話！而Ceci就大無畏當住伊健面話細細個睇對方嘅電影長大，大讚男神十年如一日；反而見到青春活潑嘅Natalie就忍唔住慨嘆青春小鳥已經開始飛走，好 True呀！
