【Viu】Ian@MIRROR今日單拖現身運動品牌活動，但就搞笑自爆最憎拉筋，仲話細個拉筋係會拉到喊，咁cute㗎咩？陳總開庫大談做完會令佢放鬆嘅活動，例如係做運動（但唔拉筋）、聽音樂、同Hellosss group chat、同愛犬雞髀玩、吸塵清雞髀啲毛等，超detail！
陳總緊接爆埋《MIRROR Chef》內幕，佢笑話拍完最後一日嘅凌晨突然發高燒，燒住去打「903排球賽」，更獲讚係MVP添！佢猜測係食咗其他兄弟悉心煮嘅菜式所致，可能係處理食材唔夠衛生啦，陳總抵死笑話仲等佢事前對班兄弟嘅信心大增！咁佢對邊位兄弟嘅廚藝信心大啲？
聽到小電兔AK今朝上電台宣傳新歌話想偷歌加夾埋開騷，Ian即超大反應笑話：「佢攞咗我兩隻㗎啦喎！」再話自己其實好少寫歌畀人㗎，仲要加埋開騷？陳總笑「斥」老闆太貪心：「唔好咁易畀佢得逞！」呢啲係咪罵者愛也嚟㗎？不過Ian最後都有啲心軟嘅，話如果fulfil到一個條件就應承AK啦！另外，Ian準備咗啲咩for MIRO fans meeting？又透露咗啲咩小組歌內幕？
