【Viu】Ian陳卓賢今朝以All Black Look出席化妝品活動，不時同兩邊等候嘅Hellosss打招呼，超級寵粉呀！Ian分享化妝心得，自爆最鍾意搽潤唇膏，咦？Hellosss係咪好想自薦幫手搽呢？Ian就風趣拆解喇！
Ian透露早排去台灣唔是旅行，原來係為新歌《鑿》錄音，為咗投入MV中歇斯底里嘅角色，仲同外界斷聯咗幾日，冇同人講嘢呀！Ian又話為咗慰勞演唱會團隊，當然要請食飯，仲話同監製細榮食飯係有原因，莫非演唱會有Part 2？
講到工作安排，Ian坦承有大Project，仲預告會現身903籃球賽同排球賽，全力扣殺呀！最最最重要嘅係，Ian同伊健嘅電影將於年底上映，大家之後又有好多機會見到Ian喇！
