【Viu】陳卓賢一連七場處男個唱圓滿結束，完騷後，Ian繼續精靈活潑咁接受訪問，佢坦承7場唔夠喉，希望唱多幾場，仲自爆聽日已經要即刻錄新歌，超勤力呀！Ian自評處男個唱有70幾分，皆因出世以嚟都未畀過滿分自己，包括肌肉方面！吓？乜陳仔咁謙呀？
講到嘉賓，Ian表示全部都係自己請，笑認亞博似交友平台，令自己識咗幾個新朋友。Ian又感謝軒公喺赴美開騷前預錄合唱片段，仲話全靠軒公喺兩年前開導自己，先令佢變成更好嘅人！至於「E人」Serrini，Ian就話預咗Talk位係畀對方操控，會唔會太好笑呀？
《IAN CHAN“TEARS” IN MY SIGHT SOLO CONCERT 2024》 咁好睇，Ian梗係要親解歌單同舞台設計含意，到底佢最滿意邊Part？點解AK捧場都唔唱《蝸牛》？衣櫃仲有幾多套衫未著？呢個足本訪問就滿足晒大家嘅好奇心喇！
