【Viu】ANSONBEAN今日推出大碟《ONE DANCE》，即晚喺中環舉行新碟發布會，女友Jaime張天穎着靚靚嚟撐場超Sweet！豆豆嘅父母同婆婆都有現身支持！着緊身微透視黑色上衣嘅豆豆，更即場跳唱4首新歌，場面high爆！
見豆豆CD cover赤裸上半身超火辣，佢話係由年頭開操，揚言尺度可以去到更盡，全裸又制唔制？豆豆又透露用火做主題係有兩大原因，分別想講自己「浴火」重新故事，而另一個原因竟然係關風水事？佢仲笑話噚晚緊張到瞓得唔好，發惡夢見到鬼添呀，而家仲係農曆七月架喎！
新碟一出豆豆就即刻去CD舖買咗幾隻碟攞個好意頭，希望唱片大賣！佢又爆其中一首新歌係由女友Jaime作曲，係屬於二人嘅首隻「愛情結晶」，不過豆豆笑話錄音嗰陣唔小心忟咗Jaime，唔知佢點氹返女友呢？Jaime生日佢又準備咗啲咩禮物？即刻睇足本訪問啦！
