【Viu】開波啦！張敬軒 x 林家謙《The Perfect Match》拉闊音樂會今晚亞博舉行！呢對老友以眼鏡學生look孖住出場，頭段talk齊齊坐喺韆鞦度，然後天上面傳嚟Serrini嘅天使聲，詳談佢哋嘅童年往事。
一嚟問佢哋10歲嗰陣係點樣，「Mean精」家謙一針見血話嗰陣聽緊《酷愛》，軒公即刻擰轉面努力做好表情管理，Mean謙見軒公遲遲未有出聲再補多槍：「你個助聽器ok嗎？」叮叮叮！家謙率先攞一分！
至於喺答「幾時開始覺得自己長大？」，佢哋陷入「毛」嘅議題，感覺半隻腳踏入黃標區！呢個時候家謙再直接進攻軒公對「海膽」，軒公亦不忘自嘲！係哋好想聽呢對死黨點「耍花槍」呢？唔止呀！話明係音樂會，就梗係有歌聽啦！送上《櫻花樹下》、《潛水》、《神奇的糊塗魔藥》、《隱形遊樂場》嚟俘虜你哋對耳仔！每首歌都有啲surprise送畀大家，包括有「錫錫」、互拉頭馬、跳舞battle，超精彩！
