【2023年11月18日】「撞樣孖寶」張敬軒、林家謙一完拉闊騷就食住條雪條入後台受訪，全程食得勁滋味！啱啱先病完嘅軒公，咁快就可以食雪糕？而原來家謙上星期都病咗，佢自爆屙足3日3夜，搞到瘦咗一個碼，又搞笑話如果個騷照常舉行，極有可能就地表演「水簾洞」，講完都即刻有個畫面！
是晚音樂會Mean謙火力全開，猛咁用言語「攻擊」軒公，難怪軒公話佢係「頂心杉」兼「投訴」對方bully老人家，Mean謙又點兜？不過，就算軒公點身受「重傷」，仍大方頻頻向Mean謙發動冧功，包括以木馬「錫錫」，仲唔係愛的表現？呢對perfect match仲喺個騷晒舞技，battle鈣質舞引全場發笑，唔知遲吓有冇機會喺港鐵站見到家謙跳舞呢？
老友Serrini、Tyson Yoshi呢晚都有嚟支持，其中樹妮妮仲有份為音樂會獻聲，家謙竟然公開讚Serrini把VO聲好靚？呢單嘢係真定假？另外，佢哋連續多年入圍叱咤我最喜愛男歌手十強，之但係今年突然殺出「程咬金」光B，佢哋又點睇呢？呢條足本訪問片保證笑到有腹肌，你哋唔係唔睇嘛？
