【Viu】相隔13年，朱茵再次參演港劇，加盟ViuTV原創劇《反起跑線聯盟2》飾演Miss，同演藝學院同學潘燦良首次合作，道盡「家家有本難唸的經」，亦希望藉劇集引領大家反思點樣學習做個好家長！
朱茵大讚燦Sir個仔Martin超醒目，幾乎每句頂嘴，令現場笑料百出；燦Sir都話招架唔住，所以唔使埋位時盡量同「阿仔」保持距離，交畀工作人員照顧。除咗觀眾期待兩位嘅演技交鋒外，估唔到連朱茵囡囡都去片場探班，仲對拍攝現場相當好奇，朱茵仲爆囡囡識玩樂器，但係偏偏唔肯同嗲哋黃貫中Jam歌，奶有性格㗎！
講到黃家有女初長成，朱茵坦言唔捨得囡囡長大，好彩未到反叛期，依家都仲係嗲媽咪嘅。講到年少輕狂嘅歲月，燦Sir就爆笑憶述那些年電髮嘅趣事，仲大方分享同太太蘇玉華嘅相處之道，想了解更多就loop爆訪問啦！
