【Now.com】63歲音樂人周啟生為著名作曲家顧嘉煇的徒弟，一向敢言的他至今仍非常留意樂壇，不時在社交平台公開批評一眾當紅歌手。其中包括評擊陳蕾紅館演唱會彈結他「甩皮甩骨」、暗寸楊千嬅不適合做《中年好聲音2》評判等。日前（6日）他在社交平台發文叫網民揀選最不想聽到其唱歌的歌手，更點名批評新生代人氣男歌手林家謙，直指對方為「廢青」，引起網民熱議。
周啟生周二（6日）在Facebook上載一張三男兩女的合成照，並說︰「今日想同大家玩一樣未玩過嘅嘢：大家選一男一女，你最唔要聽到佢唱歌嘅歌手！」帖文引來不少網民熱烈參與，其中有網民提及林家謙，引起周啟生回應：「嗰條廢青我都麻麻哋鍾意！」該網民即指：「佢返去做幕後我冇問題㗎。」周啟生再批：「又唔見佢幕後有咩條件！」
帖文即引來不少林家謙樂迷留言為偶像平反：「其實作為一位樂壇前輩，你唔識得欣賞林家謙唔緊要，但話人係廢青，你自已其實都係一條廢老…… 廢青喺紅館開過七場演唱會，你呢?」周啟生之後更與林家謙粉絲展開罵戰，爆粗兼指林家謙家謙粉絲是「盲迷」，稱：「等住俾我踢啦！你咁鍾意佢出多幾個post去愛慕佢啦！嚟一件踢一件！」
引爆罵戰後周啟生似乎仍未收火，昨晚（7日）再發文解釋為何今次態度強硬仲爆粗，他稱今次情況比較特殊，眼見帖文有大批不講道理的回應，「好似一群癲狗，有目的同埋組織咁圍住我嚟咬」，故選擇毫無保留地開火。他又強調：「人人都有權講自己想講嘅嘢！我鍾意講乜，我就講！」之後他又表示想講對林家謙的感受：「唱歌超級雄壯/咬字清晰/好有氣/但係天生太靚仔。彈琴簡直係低班馬，佢夠膽我收埋一隻手同佢一齊彈一隻歌！我講得出口，我唔會收！」火藥味濃。
事件發酵至今，亦引來著名商台DJ雲妮（Vani）發聲，直言：「他是一個hater！！鼓吹仇恨，網絡欺凌，根本不值得也不應該報導，因為這不是大家要關注的娛樂新聞。」獲不少網民讚好。
PHOTO／FaceBook@周啟生 Dominic Chow、Instagram@terencelam0903、網絡圖片
