【viu】Marf@COLLAR今日現身日本爆紅角色「燦子」活動，笑指初出道嗰陣嘅超短齊蔭look，被指同角色撞樣！咁啱依家brainstorm緊COLLAR EP造型，Marf就話考慮緊剪唔剪返同一髮型，係堅嘅話好令人期待！
日前Marf公開咗條喺泳池邊曬日光浴嘅片，着超高叉泳衣大派小麥色長腿福利！佢笑話冇諗過迴響會咁大，謙稱點都唔夠Gao套三點式fight！
熱愛戶外活動嘅Marf，最近同Ivy So搵港足前隊長陳偉豪教踢波，佢自爆係受男友Locker影響，漸漸愛上呢項運動！不過佢話依家仲係初哥階段，淨係同Locker搓波，未試過正式上場，但相信如果一落戰場，Locker實絕不退讓！咁唔知Locker有冇教練上身教Marf踢波呢？
另外，Marf話日前同媽咪一齊去睇韓國天王Rain嘅演唱會！搞笑篤爆媽咪認Rain做第二個老公，所以佢都接受咗Rain做佢嘅second daddy，會唔會太好笑？Marf有冇被Rain嘅hot爆爆肌body迷倒？有冇機會被男神搭膊頭？夠鐘睇足本訪問片啦！
