【Viu】Endy周國賢同周家怡第一次合作，就要喺新劇《無人之境》中演兩公婆，雖然劇情好沉重，仲有一場撕心裂肺嘅嗌交戲，不過「雙周」喺戲外就一拍即合，玩得好開心喇！家怡笑指Endy似女仔咁怕醜，孖煙囪入面都仲要打底，遮掩「上環巨龍」真身，拍咀戲時仲尷尷尬尬，要自己「指點」一下；Endy即笑認驚自己「血氣方剛」，所以先收埋「巨龍」真身，以免嚇親街坊！
除咗首次合作拍劇，「雙周」仲第一次合唱埋劇集主題曲《模梭兩可》，Endy當然經驗十足啦，今次就輪到家怡淆底喇！
講到新劇以無人機貫穿劇情，如果現場中畀「雙周」用無人機窺探某人嘅私生活，佢哋又會想揀邊個呢？睇訪問就一清二楚啦！
