【Viu】姜濤同Anson Lo今晚出發去巴黎，準備出席時裝周，兩人喺10點左右現身，教主以黑色Deep V冷衫示人，大晒白滑心口；姜濤就以牛仔Look上陣，同樣Sharp醒！
講到教主今日上載黑色Story，令唔少神徒擔心，佢就不欲多談，只以OK手勢示意，再問到身體情況，佢就話：「OK㗎喇！所有嘢都處理緊！」教主又指驗身報告已經出咗，但要「處理吓」，飛機餐數量只可以維持「正常」，希望教主身體健康啦！
至於為港版《無用的謊言》連續通頂嘅姜Admin，坦承好眼瞓，仲打晒喊露，睇得出真係攰喇！適逢今日父親節，想知出名孝順嘅兩位點慶祝，記得睇現場實況喇！
