【Viu】賀歲片《盜月者》導演袁劍偉今日率MIRROR三子Edan、Anson Lo同姜濤到尖沙咀的戲院謝票，席間三子回應現場觀眾提問，姜濤仲自爆初初演「萊叔」時畀啲手下嚇親；AL直言最大得著係同一班好演員合作；Edan就解釋結局嘅懸念。
至於袁導就話如果票房好有機會開續集，希望6000萬可以促成續集嘅誕生，姜濤聞言仲話想加入Edan同AL嘅陣營，令人期待喎！大合照時，全場觀眾高舉6000萬手勢集氣續集，Edan即笑說係《IGNITED》手勢；當袁導繼續弄下巴調戲三子時，Edan仲反建議由記者們調戲袁導，嘩！真係一世人兩兄弟，有你有我呀！
